news➤തിരുവനന്തപുരം

മേഘ്ന ഗുൽസാർ സംവിധാനം ചെയ്യുന്ന പുതിയ ചിത്രത്തിൽ പൃഥ്വിരാജ് നായകനായെത്തുന്നു.

Webdesk
Published Nov 05, 2024|

SHARE THIS PAGE!
മേഘ്ന ഗുൽസാർ സംവിധാനം ചെയ്യുന്ന പുതിയ ചിത്രത്തിൽ പൃഥ്വിരാജ് നായകനായെത്തുന്നു. കരീന കപൂറാണ്  നായിക.

 ദായ്‌റ എന്നാണ് ചിത്രത്തിന്  നൽകിയിരിക്കുന്ന പേര്. യഥാർഥ സംഭവത്തെ ആസ്പദമാക്കിയൊരുക്കുന്ന ചിത്രമാണ്.

 പൊലീസുദ്യോഗസ്ഥനായിട്ടായിരിക്കും പൃഥ്വിരാജ് എത്തുക.
സിനിമയുടെ കഥയും അത് പങ്കുവയ്ക്കുന്ന മെസേജും ‌പൃഥ്വിയ്ക്ക് ഇഷ്ടമായെന്നും ഇതോടെയാണ് താരം ചിത്രം ചെയ്യാൻ സമ്മതം മൂളിയതെന്നും റിപ്പോർട്ടുകൾ സൂചിപ്പിക്കുന്നു.

 അക്ഷയ് കുമാറും ടൈഗർ ഷറോഫും പ്രധാന വേഷങ്ങളിലെത്തിയ ബഡേ മിയാൻ ഛോട്ടെ മിയാൻ എന്ന ചിത്രത്തിലാണ് പൃഥ്വിരാജ് ബോളിവുഡിൽ അവസാനമായി അഭിനയിച്ചത്.

ദായ്‌റയുടെ ചിത്രീകരണം ഉടനെ തുടങ്ങും.

 2012 ൽ പുറത്തിറങ്ങിയ അയ്യ എന്ന ചിത്രത്തിലൂടെയായിരുന്നു പൃഥ്വിരാജ് ബോളിവുഡിൽ അരങ്ങേറ്റം കുറിച്ചത്. റാണി മുഖർജിയായിരുന്നു ചിത്രത്തിലെ നായിക.

 മലയാളത്തിൽ   ആകാംക്ഷയോടെ പ്രേക്ഷകർ കാത്തിരിക്കുന്ന എംപുരാൻ  ചിത്രീകരണം തിരുവനന്തപുരത്ത് പുരോ​ഗമിക്കുകയാണിപ്പോൾ.

Related Stories➤

Latest Update➤

Top News➤

News Videos➤ See All